Алтайская клавиатура

Народ жив, пока жив язык.

ö — правый Alt+о

ÿ - правый Alt+у

ҥ - правый Alt+н

j - правый Alt+д

Ö - правый Alt+Shift+о или (в режиме Caps Lock) правый Alt+о

Ӱ - правый Alt+Shift+у или (в режиме Caps Lock) правый Alt+у

Ҥ - правый Alt+Shift+н или (в режиме Caps Lock) правый Alt+н

J - правый Alt+Shift+д или (в режиме Caps Lock) правый Alt+д

Бÿгÿнги кÿнде Интернетле тузаланып турган алтай улустыҥ тоозы тыҥ кöптöгöн. Jе алтай ö, ÿ, ҥ, j таныктар стандартный клавиатурада jогынаҥ улам кöп саба алтай улус Интернетте бой-бойыла орустап куучындажат. Онызы куныкчылду. Ада-öбöкöлöристиҥ тили тирÿ артсын деп, бойыгардыҥ компьютерерге алтай шрифтти тургузып алала, кара башту карындаштарысла алтай тилле куучындажактар!
Алтай тилибис керегинде jайалталу jерлежистиҥ Лазарь Васильевич Кокышевтиҥ ÿлгерин кычырып ийели. Уулу поэдиске быjыл 80 jаш толор эди.

Ак јарыктыҥ алдына келеле,
Айлу-кӱнду јеримди кӧрӧлӧ:
Адайым деген алтай тилим,
Энейим деген эрке тилим…

Эне-Алтайдыҥ эдеги алдынаҥ
Эрке ӱнденип, сен чыккан эдиҥ.
Таштаҥ чыккан таҥдалай чечектий,
Таҥ алдынаҥ сен ӧскӧн эдиҥ.

Коркышту чактарда тепсеп салганда,
Корболоп сен ойто ӧзӱп келетеҥ.
Ас та болзо, алтай јонымныҥ
Айылдары сайын шулурып јуретеҥ…

Керсӱ јонымныҥ чӱми јок кожоҥын
Келишкенче сен кееркедип беретеҥ,
Албатым јуунаткан алтай тилим,
Аарчызы јытанган алтай тилим!..

Ӧскö албаты тилиле сен
Ӧӧркӧшпӧй, эптӱ таныжып јуретеҥ.
Јайымды сӱӱген јакшынак уулдардыҥ
Јалбышту сӧзи сен болотоҥ.

Сени јокту, эби јок дешкилеп,
Седеҥдеген немелер ундып салгылайт…
Калыктыҥ алдына каткыга тӱжеле,
Катап сени эске алгылайт.

Эјелер меге чÿмдеген тилим,
Эш-нӧкӧрим деген эрке тилим,
Јаманыҥ сениҥ сеспедим мен,
Јаражыҥ шиҥдеп кӧрбӧдим мен.

Кайда да јӱрзем, канайып та јӱрзем,
Канымнаҥ сени мен айрып болбозым.
Энейим деген эрке тилимди
Эр јажына ундып болбозым!..

Албатымныҥ айткан санаазы — сен,
Амадап јӱргенде кожоҥы — сен.
Адамныҥ арткан јӧӧжӧзи — сен,
Энемниҥ берген энчизи — сен.

Ыйлаган тушта эрикчил тилим,
Ырысту тужымда чечеркек тилим…
Алтай тилим,
Кару тилим…

Л. Кокышев